தோல்வி கண்ட இடத்திலே
வெற்றி என்பது இல்லையோ
மனமுடைந்து பிதற்றுவது
வெற்றிக்கான வழியோ
வடிக்கும் கண்ணீரால்
பதிலளிக்க முடிந்திருந்தால்
உலகிலுள்ள உயிர்களுக்கு
ஏதுண்டு தோல்வி
தோல்வியை உனது வாழ்வின்
வெற்றியின் பாதையாய் மாற்றி
மீண்டெழுந்து முயலு
வெற்றி உந்தன் கையில்
வீணான வேதனையும்
பயனற்ற பேச்சுகளும்
வாழ்வின் அடித்தளம் அல்ல
புரிந்துகொள்வாய் நீயும்
நித்தமும் முயன்று
வியர்வை சிந்த உழைத்து
வெற்றியெனும் கனியதனைப்
பெற்றிடுவாய் நீயும்
© Rohini Rajamani