माझी कथा

हृदयावर चंद्राच्या आज
आता माझे राज्य झाले
खूप हाल झाले माझे
साफल्य मिळाले

केला इतका प्रवास
श्वास श्वासात नव्हता
जीव कासावीस झाला
भार झेलता पेलता

भेट झाली खरी आता
चंद्र आहे सोबतीला
साक्ष किती देऊ तुम्हा
व्यथा गेल्या आहुतीला

चंद्रयान नाव माझे
चांदण्याची आस होती
बिलगण्या तडफडलो
संधी भेटली नव्हती

झाले सार्थक जीवाचे
साथ देऊ एकमेका
मैल ओलांडून आलो
कथा माझी सर्व ऐका....


उज्वला धांडे,नागपूर
© All Rights Reserved