તું આવે તો કહું, કેટલી ઝૂરું છું તારા વગર,
તું આવે તો બતાવું, એકલી મરું છું તારા વગર

આખુંય શહેર જાણે છે આપણા પ્રેમની વાતો,
ગલીઓમાં તારી લૈલા બની ભટકું છું તારા વગર

તું જ મારો ક્રુષ્ણ અને તું જ મારો માધવ,
ઘડીમાં રાધા ને ઘડીમાં મીરાં થઈ ફરું છું તારા વગર

હાથમાં લીધી છે મેં પ્રેમની પતવાર ઓ ખુદા
વિશ્વાસની હોડી લઈ એકલી તરું છું તારા વગર

માની લીધો છે 'ચાંદ' તને મારી જિંદગીનો,
કદી તો ચમક મારા માટે, હું ઝૂરું છું તારા વગર

રીતેશ ક્રિશ્ચિયન
-ચાંદ
© -ચાંદ