लाल तेरा देश पर होया कुर्बान
गम मत करदी तू करेयां गुमान
रोई रोई अम्मा मत हिकड़ू तू जालदी
गबरू जो अपणे तू अबे मत भालदी

अप्पू रक्खे होंसला, ते बापू जो सम्हालेयां
पसीने च नहाई तुसाँ फुल्ला साही पालेया
अबे मेरे ग़मे कोई रोग मत पालदी
गबरू जो अपणे तू अबे मत भालदी

भन्नी करी चूड़ा, मेहँदी देयां तू लूआई
नूहँ अपणी जो फिरि देयां तू ब्याही
देयां समझाई, मत फौजी जो निहालदी
गबरू जो अपणे तू अबे मत भालदी

लोका तेरे पुतरे री दैणी मिसाल
माँ मेरी ए ता तेरे दुध रा कमाल
मेरे खयाले मत अपु जो तू गालदी
गबरू जो अपणे तू अबे मत भालदी

कल म्हारे घरे अम्मा भीड़ बड़ी हूँणी
तिरंगे विच मिंजो दिखी पीड़ बड़ी हूँणी
बड्डा दिल रक्खे, मत हिम्मत तू हारदी
गबरू जो अपणे तू अबे मत भालदी

© GULSHANPALCHAMBA