13 views
कविता तिच्यासाठी खास
तिच्यासाठी लिहावे मस्त झकास
असं नेहमी वाटत राहते मनास
जेव्हा लिहिण्यास घेतो काही खास
मन स्तब्ध होते...थांबतो श्वास
तिच्या सौंदर्यापुढे शब्द ही होतात हताश
हताश शब्दांची तीच काढते समजूत
तिच्या संगतीत शब्द गोड हसतात
शब्दही मग कवितेला सोबत करतात
नकळत उमटत जातं काही कागदात
काय लिहिलं आहे माझं मलाच नसतं भान
ती नाक मुरडेल की तिला आवडेल छान
मनास हुरहूर ती ठेवेल का शब्दांची जाण..?
ती मात्र वाचते कविता होऊनी बेभान
प्रत्येक कविता तिच्यासाठीच असते खास
तिचं खरंच की होतोय तिला नुसता भास
एकदा ठरवू समज खोटा वाटते मनास
काय करेल तेव्हा ती मनास उरली आस
ती शोधते स्वतःला प्रत्येक कवितेच्या कडव्यात
जेव्हा असते पूर्ण कविता तिच्यासाठी खास
तेव्हा मात्र ती स्वतःला शोधत असते प्रत्येक शब्दात...
© _अवि
Related Stories
