ab yaad nahi karti tum,
hichkiyo ka aana ruk sa gaya hai..
chalo accha hai, ye samaz leta hu,
tere saath mera zamana ab zhuk sa gaya hai...

ab baat sirf main karta hu teri,
meri angdaaiyo se, tanhaiyi se...
na jaane ab ujaalo se bhi darr lagta hai.
milta hu jab khud ki parchaayi se...

ab mehsoos nahi hoti garmahaat,
paani ki, zhil me doobokar baithe pairo par.
Khud se itna rooth sa gaya hu,
ki ab taras aata hai, muze manaate gairo par...

bhale hi tere baad ab bhi raat aati hai..
aur har raat aankhein phir neend ko taras jaati hai.
phir main takiye se lipat kar, dafftan teri yaadon me khota hu..
ab bas ek dard hi hai jisme, main bas tera hota hu...

Bhushan _ Asaf
© Bhushan _ Asaf