💕പെയ്തൊഴിയാതെ 💕

arrow_back

Poem

12 views

BENZY NAKSHATHRA

3 months ago

+ Follow

💕പെയ്തൊഴിയാതെ💕

കാറ്റ് വീശണ് കതിര് വീശണ്
കനവിൽ കൽക്കണ്ടം വീഴണ്.
കാണാമറയത്ത്
കാത്തുനിന്നൊരാൾ
കാതിൽ കിന്നാരം ചൊല്ലണ്.

കണ്ണിലൊരായിരം പൂത്തിരി കത്തണ്
നെഞ്ചം.. തുടിക്കണ്.
ഖൽബിനകത്തൊരു വണ്ട് മൂളണ്
കുളിര്... കോരണ്

മനസ്സിനകത്തൊരു മാമയിൽ ആടണ്
മലരഞ്ചും.. പൂക്കണ്.
കണ്ണാടിക്കനവിലോ കസ്തൂരിമാൻ തെളിയണ്
മണിമഞ്ചൽ.. ഒരുങ്ങണ്.

നിലാവ് പെയ്യണ് നിനവ് പെയ്യണ്
കരളിലൊരു താമര വിരയണ്
മഞ്ഞു തൂവണ് മധുരം നിറയണ്
മതിവരാതെ തേൻ നുകരണ്.

രാത്രി മയങ്ങണ് രാക്കുയിൽ പാടണ്
രാരീരം... കേൾക്കണ്.
രാവിന്റെ മാറില് സിന്ദൂരം പൂശണ്
നിദ്ര വന്നെന്നെ.. പുൽകണ്

© 🌟ബെൻസി നക്ഷത്ര 🌟

Love