*முதல்முறை அணிந்த புடவை*


ஆம்,அவள் அன்றுதான்
முதல்முறை புடவை
அணிகின்றாள்..

முதல்முறை என்றாலே
அனைவரும் அறிந்தது போல
அம்மாவின் புடவைதான்..

கல்லூரியில் ஏதோவொரு
கலைநிகழ்ச்சியாம்,அதற்கான
கட்டாய உடையாம் புடவை..

கடைசியாக அவளது சடங்கில்
ஒருமுறை அணிந்தது தான்,அது
பள்ளிப்பருவம் விவரம் அறியாதது..

அனைத்தும் அறிந்திருக்கும்
இந்த பதினெட்டில் அணியும்
இதுவே மனதால் முதல்முறை..

முதல்நாள் உறங்கும் முன் சுலபமாக
புடவை அணியும் காணொளி பல
கண்டபடி அப்படியே உறங்கிவிட்டாள்..

கைப்பேசியில் அலாரம் அடிக்கும்
முன்னரே அவள் விழித்திட அந்த
அலாரமும் ஆச்சர்யப்பட்டது..

குளியலறையுடன் ஏதோ சண்டை
என்பது போல போனதும் வந்ததும்
தெரியவில்லை.இதுவல்ல மற்றநாளில்..

முதல் அரைமணிநேரம் முதல்நாள் கண்ட காணொளி கைக்கொடுக்குமா என
அவள் முயற்ச்சி கொண்டாள்..

தோல்வியை ஒப்புக்கொள்ளவேண்டிய
நேரம் வந்ததால் வழிந்தபடியே
அம்மாவிடம் சரணடைந்தாள்..

இவள் வருவாள் என்பதை முன்னரே
கணித்திருந்த அம்மா அவளுடைய
காலை வேலைகளை முடித்திருத்தாள்..

அம்மாவின் கைவண்ணம் அடுத்த
ஐந்து...