😍 പ്രണയമാണുണ്ണീ ..😍

arrow_back

Poem

6 views

BENZY NAKSHATHRA

9 months ago

+ Follow

പ്രണയമാണുണ്ണീ പ്രണയമാണ്..

എഴുതുന്ന വരികളിൽ തെളിയുന്ന അക്ഷരങ്ങളോടെന്നപോൽ
ശില്പിയുടെ കരവിരുതിൽ മെനഞ്ഞ ശില്പത്തോടെന്നപോൽ
നിശയുടെ യാമങ്ങളിൽ വിടരുന്ന നിശാഗന്ധിയോടെന്നപോൽ
കടലിനെ തലോടി പോകുന്ന കാറ്റിനോടെന്നപോൽ
കരയെ പുൽകിയുണർത്തുന്ന തിരകളോടെന്നപോൽ
പൂവിന്റെ മാറിൽ മുത്തമിടാൻ കൊതിക്കുന്ന പൂമ്പാറ്റയോടെന്നപോൽ
ഭൂമിയെയൊന്ന് തണുപ്പിക്കാൻ പെയ്തിറങ്ങുന്ന മഴത്തുള്ളികളോടെന്നപോൽ
നിലാ പൗർണ്ണമിക്കു കൂട്ടായ് ആകാശത്തു വിരിയുന്ന നക്ഷത്രങ്ങളോടെന്നപോൽ
ശ്രീകൃഷ്ണന്റെ ഓടക്കുഴൽ നാദം കേട്ട് പ്രേമഭിക്ഷുകിയായ രാധയോടെന്നപോൽ
പ്രണയമാണുണ്ണീ.. പ്രണയമാണ്..
നിന്നോടെനിക്കും പ്രണയമാണ്..!

© 🌟ബെൻസി നക്ഷത്ര 🌟

Love