Dekhi hogi nadiya sagar me milte hue,
Jaha do nadiyon ka milan, ek sangam hai woh.

Din, hafte, mahine, saal bit jaenge,
Jo kaat na sakoge, ek raat hai woh.

Muskuraye honge fulon ke guldaste soonghte hue,
Jiske patte bhi mehakte ho, esa birwa hai woh.

Chutkule, gapshap, bahas ki hogi kaee logo se,
Sidha dil par lag jae, waisi baat hai woh.

Baadal garaj kar, bijli chamak kar hui hogi barsaate,
Bin mausam, dhoop me baarish ki fuhare hai woh.

Kaee pyare pal bitaye hoge sab ke sath,
Jo kabhi na bhula paoge, ek yaad hai woh.
© All Rights Reserved