பெண்ணெனவே இவ்வுலகில்
பிறப்பெடுத்த ஓவியமே...
இன்னல்கொடி உன்மேல் - அடி
எழுதுகிறேன் சிறு காவியமே...

"சுதந்திரத்தை அடைந்துவிட்டாய்...
சூழ்நிலையை மாற்றிவிட்டாய்...
விண்ணில் நீ பறக்கின்றாய்
விளையாட்டில் சிறக்கின்றாய்...
சாதனைகள் ஆற்றுகிறாய்" - எனச்‌
சாற்றிடுவோர் அறிவதில்லை..
மாசற்ற‌ மதியழகே
மங்கை உன் இடர்களையே...

விலகும்‌உன்‌ ஆடையென்று
விழியோடு உறவு கொண்டு
விடமான‌ மனம்கொண்ட
வீண்உயிர்கள் அலையுதடி...
வெகுண்டே மனம் எரியுதடி ...
"ஆடையதில் ஒழுக்கமில்லை...
ஆண்களிடம்‌ களங்கமில்லை......