ಶೀರ್ಷಿಕೆ: ಪ್ರೀತಿಯ ಬೆಸುಗೆ
••••••••••••••••••••••••••••••••
ಹಗಲು ಕಳೆದಿದೆ ಕತ್ತಲು ಹರಿದಿದೆ
ಹರಿದ ಕತ್ತಲಿಗೆ ಬೀದಿದೀಪದ ಸಿಂಗಾರ
ಸಿಂಗಾರದಿಂದ ಹೊಳೆಯುತ್ತಿದೆ ರಸ್ತೆ
ರಸ್ತೆಯ ಸೊಬಗಿಗೆ ಹಸಿರು ಹೂಬನ
ಹೂಬನವನ್ನು ನೋಡುತ್ತಾ ಮೈಮರೆತೆ
ಮೈಮರೆತಾಗ ತುಂಬಿತು ನನ್ನ ಮನದಲ್ಲಿ
ಮನದೊಳು ಸಂಚರಿಸಿತು ಪ್ರೀತಿಯ ಬೆಸುಗೆ
ಬೆಸುಗೆಯಲ್ಲಿ ನನ್ನಿನಿಯನ ಅನುರಾಗ
ಅನುರಾಗದಲ್ಲಿ ತೇಲಾಡಿದೆ ಖುಷಿಯಾಗಿ
ಖುಷಿ ಅನುಭವಿಸಿ ಬರೆದೆ ಪ್ರೇಮಕವನ
ಕವನದಲ್ಲಿ ತುಂಬಿ ಬಂತು ಒಲವಿನ ರಾಗ
ರಾಗವ ಹಾಡುತ್ತಾ ಸವಿಯಾದ ಕನಸ ಕಂಡೆ
ಕಂಡ ಕನಸಲ್ಲಿ ನನ್ನ ಇನಿಯನ ಆಗಮನ
ಆಗಮನಕ್ಕೆ ಬೀದಿದೀಪಗಳ ಸುಸ್ವಾಗತ
ಸುಸ್ವಾಗತದಲ್ಲಿ ನಗುವ ಬೀರುತ್ತಾ ಬಂದ
ಬಂದವನೇ ನನ್ನ ಪ್ರೀತಿಯ ಬೆಳಗಿಸಿಬಿಟ್ಟ.