ബാല്യത്തിനോർമയിൽ മനസിൻ -
വാനത്ത് ആയിരംമാരിവിൽചന്തം...
നിറമാർന്നോരാ ദിനങ്ങളിൽ പലതിലുംആയിരം
വർണങ്ങൾചിന്തി..
മനസിൻവാതായനങ്ങൾ കടന്നന്ന്
മാനസമൈനകൾ പാറി.....
അമ്പിളിമാമന്റെതോളിലൊ
ന്നേറുവാൻ ,
സ്വപ്നങ്ങൾക്കതിരുകളില്ലാത്ത
കാലം

അച്ഛന്റെകൈവിരലിൽതൂങ്ങിയയാത്രകൾ,
പുതുകാഴ്ചകൾതൻ വർണ്ണാഘോഷം..
അമ്മതൻലാളന കുളിർകാറ്റിൽമനം
സ്നേഹാർദ്രമാവുന്ന കാലം...

കടലോളം സ്നേഹംപകർന്നു തന്ന
ഏട്ടനോടൊപ്പമുള്ളോണക്കാലം....
കഥകളേറെ പറഞ്ഞുതന്നെന്നെ
കലാകാരനാക്കിയ മുത്തശ്ശിക്കാലം

പാടവരമ്പിലൂടോടികളിച്ചും,
ഉസ്കൂളിൽപോയൊരാവസന്തകാലം...
കുഴിയാനകുഞ്ഞിന് പാലുംപഴവുമായി
കാവലിരുന്നൊരുകനിവുള്ളകാലം

പുതുമണം മാറാത്തപുസ്തകതാളു-
കളെത്രയോ കടലാസ് വഞ്ചികളായി...
മധുര്യമേറിയ മാമ്പഴകാലങ്ങൾ
മനസ്സിൽ മായാത്ത ചിത്രങ്ങളായി.


ഓർമ്മതൻ മഴനനഞ്ഞാർദ്രമായി മനം
വീണ്ടും വിരുന്നെത്തി ബാല്യകാലം.
വാടാത്ത മഷിതണ്ടിനാലെങ്ങനെ
മായ്ക്കുവാനാകുമോഹൃദയചിത്രം

ഓർമ്മകൾ പൂവിടും ബാല്യത്തിനിക്കരെ-
എന്നെന്നും നവ്യ സുഗന്ധം...
മനസ്സേ മടങ്ങുക നൊന്തിടാതെ-
അരികെയല്ലരികെയല്ലാനാളുകൾ....
© ജെപി മുതുകുളം