ಆಗಸದಂತೆ ವಿಶಾಲವಾದ ಸಾಗರದಲ್ಲಿರುವ ಕೋಟ್ಯಾನುಕೋಟಿ ಅಲೆಗಳಲ್ಲಿನ ಆ ಒಂದು ಅಲೆಯ ಬಗೆಬಗೆಯ ಭಾವನೆಗಳ ನುಡಿಗಳೆ, ಈ ಕವಿತೆ

ಅಲೆಯ ಭಾವನೆ
-------------------

ನಾ ಸಮುದ್ರದ ಅಲೆಯ ಮಾದರಿ,
ನಿಲ್ಲೆನು ಎಲ್ಲು, ನಿಲ್ಲಲಾರೆನು ಎಲ್ಲು...

ನಾ ಬರುವಾಗ ಹೇಗಿರುವಿರೊ ಹಾಗೆಯೆ ತಿಳಿವೆ
ನಾ ಬಂದಾಗ ನಗುತ್ತಿದ್ದರೆ, ಸಂತಸದಿಂದಿದ್ದೀರಿ ಎಂದುಕೊಳ್ಳುವೆ
ನಾ ಬಂದಾಗ ಅಳುತ್ತಿದ್ದರೆ, ದುಃಖದಲ್ಲಿದ್ದೀರಿ ಎಂದುಕೊಳ್ಳುವೆ
ನಾ ಬಂದಾಗ ಅತ್ತುನಗುತ್ತಿದ್ದರೆ, ಜೀವಿಸುತ್ತಿದ್ದೀರಿ ಎಂದುಕೊಳ್ಳುವೆ

ನಾ ಸಮುದ್ರದ ಅಲೆಯ ಮಾದರಿ,
ನಿಲ್ಲೆನು ಎಲ್ಲು, ನಿಲ್ಲಲಾರೆನು ಎಲ್ಲು...
ನಾ ಬರುವೆ ನನ್ನ ಛಾಪನ್ನು ಮುಡಿಸಲೆಂದು ಇಲ್ಲಿ,
ಆದರೆ ಎಷ್ಟುಬಾರಿ ಬಂದರು ನಿಲ್ಲುತ್ತಿಲ್ಲ ಅದು ಇಲ್ಲಿ,
ಏನು ಮಾಡಲಿನಾನು ನನ್ನತನವನ್ನು ಉಳಿಸಲು, ತೋರಿಸಲು
ಏನು ಮಾಡಿದರು ಆಗುತ್ತಿಲ್ಲವಲ್ಲಾ ಅದು ಇಲ್ಲಿ, ನನಗೆ..
ಯಾರನ್ನು ಕೇಳಲಿ ನಾನು ಸಹಾಯಕೆ, ಯಾರು ಬರುವರು ಇಲ್ಲಿ, ನನಗಾಗಿ ನಿಲ್ಲಲು...