माझे शिक्षक

प्रथम गुरु ती खरी
सर्वांची असते माता
द्वितीय गुरुचा मान
म्हणजेच असे पिता

सुसंस्कारांचा ठेवा
मनोमनी सदा पेरतात
सुविचारांसवे जीवनी
आनंद सदैव भरतात

शिक्षक मार्गदर्शक
प्रगतीचे हे असती
प्रोत्साहनाचे दोन शब्द
हिंमतीचे बळ देती

अनुभव हा असे
शिक्षक सदा सोबती
संकटसमयी त्याचा
हात सदाच हाती

जीवनातील सर्व गुरुजन
सदैव आठवणीत आहेत
मनमंदिरी माझ्या या
सदा सर्वदा वंदनीय आहेत

माझ्या सर्व गुरुजनांना
लेखणीरुपे मी वंदिते
गुरुमुर्तीची पूजा,अर्चना
सदा,सर्वदा मी करते

संध्याराणी जयहिंद कोल्हे
(काव्यसंध्या)
कळंब जि.धाराशिव
© All Rights Reserved