ಹಳೆ ಹುಡುಗಿ ನೆನಪಿನಲಿ!!
ಬಿಳಿಯ ಹಾಳೆಯ ತರದಿ,
ಖಾಲಿ ಎನಿಸಿತ್ತು ಬದುಕು.
ನೀ ಬಂದು ಬಿಡಿಸಿದೆ,
ಚುಕ್ಕಿ ರಂಗೋಲಿ!!
ಭಾವಗಳ ರಂಗು ತುಂಬಿ.
ತಿಳಿ ನೀರ ಕೊಳದಂತೆ,
ಶಾಂತವಾಗಿತ್ತು ಮನ!
ಹೇ ಹುಡುಗಿ ನೀ ಎಸೆದೆ,
ಪ್ರೇಮದಾ ಕಲ್ಲೊಂದ,
ಎದ್ದಿವುದು ಅಲೆ ತರಂಗವಾಗಿ!
ಬದುಕ ಬಿಳಿ ಹಾಳೆಯಲಿ,
ಚಿತ್ರ ಬಿಡಿಸಿದೆ,
ಭಾವಗಳ ರಂಗು ತುಂಬಿದೆ,
ಮನದ ಕೊಳದಲಿ
ಪ್ರೀತಿಯ ಅಲೆ ಎಬ್ಬಿಸಿದೆ!!
ಏಕೆ ಹುಡುಗಿ ಮೌನವಾಗಿ ನೀ ದೂರಸರಿದೆ!
ಬಿಳಿಯ ಹಾಳೆಯ ಮೇಲೆ,
ನೆನಪುಗಳ ಮಸಿ ಬಳಿದು!!
ಮನದ ಕೊಳವನು ಕದಡಿ,
ಹೊರಟು ಬಿಟ್ಟೆಯ ಹುಡುಗಿ ಹೂಳು ತುಂಬಿ.
© ಮಂಜುನಾಥ್.ಕೆ.ಆರ್
Related Stories