O, I forbid ye, maidens a'. Who are sae sweet and fair,
To come or gae by Carterhaugh,
For young Tamlane is there.
Fair Janet sat within her bower,
Sewing her silken seam.
And wished to be in Carterhaugh,
Amang the leaves sae green.

She let the seam fa' to her foot.
The needle to her tae,
And she's awa' to Carterhaugh,
As quickly as she may.
She hadna' pu'd a wild-flower,
A flower but barely three,
When up he started, young Tamlane,
Says " Lady, let a-be !
" What gars ye pu' the flowers, Janet ? What gars ye break the tree ? Or why come ye to Carterhaugh,
Without the leave o' me ? "
"01 will pu' the flowers," she says, " And I will break the tree.
And I will come to Carterhaugh,
And ask nae leave o' thee."
But when she came to her father's ha',
She looked sae wan and pale
They thought the lady had gotten a fright
Or with sickness sair did ail.
" O gin my Love were an earthly knight,
As he is an elfin gay,
I wadna gie my ain true Love
For ony lord that we hae ! "
She prink'd herseU and preen'd hersell
By the ae light o' the moon,
And she's awa to Carterhaugh,
To speak wi' young Tamlane.
No sooner had she pu'd a leaf,
A leaf but only twae.
When up he started, young Tamlane,
Says, " Lady, thou pu's nae mae ! "

O tell me truth, Tamlane ! " she says, " A word ye mauna lee ; Were ever ye in a holy chapel,
Or sain'd in Christentee ? "
" The truth I'll tell to thee, Janet,
A word I winna lee ; I am a knight's and a lady's son. And was sain'd as well as thee.
" But once it fell upon a day.
As hunting I did ride,
As I rade east and o'er yon hill,
Strange chance did me betide.
" There blew a drowsy, drowsy wind,
Dead sleep upon me fell.
The Queen of Fairies she was there
And took me to hersell.
" And never would I tire, Janet,
In fairy-land to dwell
;
But aye at every seven years
They pay the teind to hell
;
And though the Queen mak's much o' me,
I fear 'twill be mysell.
" To-morrow...