ഒരിക്കൽ കൂടി വീണ്ടും,
തമ്മിൽ കാണാൻ
കൊതിയുണ്ട് ഏറെ.
കണ്ടിട്ടും കാണാതെ പോയ,
പറഞ്ഞിട്ടും പറയാതെ പോയ
പരിഭവങ്ങൾ വീണ്ടും
തമ്മിൽ പറയണമെന്നുണ്ട്.

മെയ് മാസപൂക്കൾ വീണ
ആ ഇടവഴിയിലൂടെ വീണ്ടും
നിൻ കൈ ചേർത്ത് പിടിച്ച്
നടക്കണമെന്നുണ്ട്.

നമ്മുടെ പേരുകൾ കോറിയിട്ട
ക്ലാസ്സ് മുറിയിലെ
ആ ബെഞ്ചിലൊന്ന്,
നിന്റെ ഒപ്പം ഇരിക്കണമെന്നുണ്ട്.
വീണ്ടുമാ വസന്തത്തിൽ
തമ്മിൽ പുണരണമെന്നുണ്ട്.

ഇനിയുള്ള ജന്മത്തിലെങ്കിലും
നിന്റെ മാത്രം
പ്രിയനായ് മാറണമെന്നുണ്ട്.
സഖീ ...,
മറക്കില്ലൊരിക്കലും
എന്നിലെ ജീവൻ പൊഴിയും വരെ ...( നിമ്യ )
© ( നി)