میرے دل کو اپنی یادوں سے آرستہ رہنے دو
یار میرے مجھے تم خود سے وابستہ رہنے دو

رہنے دو ہجرِ پُر خار کی ویراں راتوں کو معطر
میرے ہاتھ اپنی یادوں کا ایک گلدستہ رہنے دو

وصل کے عذابوں سے تو اچھا ہے یوں تڑپتے رہنا
حالات یوں ہی کچھ روز ابھی خستہ رہنے دو

تعلقات بگاڑ رکھے ہیں بہتوں سے تیری خاطر
دنیا میں میرا کسی سے تو کوئی رشتہ رہنے دو

نہ الزام دھرو مجھ پہ اے لوگو تم ایسے ویسے
عشق میری دانستہ خطا ہے اسے دانستہ رہنے دو

بعد از ترکِ تعلق بھی تعلق رہے ہمارے درمیاں
کوئی اک ایسی راہ ایسا کوئی راستہ رہنے دو

اے چارہ گر میرے تیری چارہ گری کا شکریہ مگر
لطف لینے دو دل شکستگی کا دل شکستہ رہنے دو

کیوں کرتے ہو میرے معاملات میں دخل اندازی
زاہد مجھے انساں تم خود کو فرشتہ رہنے دو
©  ؔصائمہ الفت