ಭರವಸೆಯ ಹಾದಿಯಲಿ ಸಾಗಿದೆ ಬದುಕಿನ‌ ಪಯಣ
ತಲುಪಬೇಕು ಸಹನೆಯಿಂದ ನೆಮ್ಮದಿಯ ನಿಲ್ದಾಣ
ಅನುಭವಿಸುವ ಕರ್ಮದ ಫಲಗಳೆ ಪರಿಸ್ಥಿತಿಗೆ ಕಾರಣ
ಕಟ್ಟಿಕೊಡುವುದು ಬಾಳಿಗೆ ಅನುಭವಗಳ ಅದ್ಭುತ ಚಿತ್ರಣ ||1||

ಬಣ್ಣದ ಭಾವನೆಗಳೆ ಸುಂದರ ಬದುಕಿಗೆ ಜೀವಾಳ
ಚಿಂತೆಗಳ ಮೂಟೆ ಸಂತೆಯಲ್ಲಿರಿಸಿ ಜೀವಿಸಿದರೆ ಮನಸ್ಸು ನಿರಾಳ
ಸಂಕಷ್ಟಗಳಿಗೆ ಅಂಜಿ ಹಿನ್ನಡೆದರೆ ಜೀವನ ಕರಾಳ
ನಂಬಿಕೆಯೊಂದಿಗೆ ಮುನ್ನಡೆದರೆ ಬದುಕು ಅತ್ಯಂತ ಸರಳ ||2||

ಸತತ ಪ್ರಯತ್ನಗಳ ಗೆಲುವಿಗೆ ಭರವಸೆಯೆ ಆಸರೆ
ಸರ್ವರನ್ನು ಆದರಿಸುತ್ತ ಸೋಲಬೇಕು ಒಲವಿಗೆ ಕೈಸೆರೆ
ನೋವು ನಲಿವನ್ನು ಸ್ವಾಗತಿಸುತ್ತ ಜೀವಿಸಬೇಕು ಮನಸಾರೆ
ಸೃಷ್ಟಿಯನ್ನು ತನ್ನೊಡಲಲಿಟ್ಟು ಪೋಷಿಸುತ್ತಿರುವಳು...