11 views
Amathambo omntanami
Ngiyisehluleki somfazi owehlulwa ngabantabake,
Ngiyinhlekisa komakhelwane abantabami bangamahlongandlebe,
Bathi ukuzala ukuzelula amathambo,
Kimi kwaba ukubola kwamathumbu,
Ungangihleki lenhlupheko iyeza nakuwe.
Amathambo omntanami afuna ukulandwa ezintabeni,
Ngizothini ekhaya ngaphik' isisu mhla ngizithwele,
Odokotela bathi uma ngimzala lomntwana
ngeke uphele lonyaka esaphila,
Isizathu angisibuzanga ngafana nenkukhu enqunywe umlomo.
Yimi ngehla ngenyuka ngihamb' imitholampilo,
Ngifun' iphilisi okanye umshanguzo wokumbulala esiswini,
Vele ubuhlungu akabuzwa futhi ngizomgqiba
sekuphakathi kwamabili,
Imicabango Yami ngesidumbu somntanami.
Umntanami wadliwa izimpethu ehlane
amathambo asel' ehlane hlanganani mathambo,
Sengifisa ukuthola abantwana
Impendulo ngeke ngisamthola ngoba enganginaye,
Ngamhushula ngamlahla ezintabeni wabola.
Ningangihluleli kwamhlaba ukhona umahluleli wethu,
Ngikhulekiseni umoya oyingcwele wehlele nakimi,
Lena impilo yesikhashana,
Ihamba nabahambayo hlala ngokuhlonipha,
Bathi umhlaba uyahlaba yibona abahlaba umhlaba,
Uyakhala umntanami uthi ngesenzo engasenza kuye.
Melusi Mthembu.
Related Stories
