Mai behti jheelon ka kinara hu
Unn kai dagmagati lehron ka...
Mai chor sahara hu!
Ab kai kashtiyon ke liye mai tufaan si nakara hu
Behti hawa na sahi
Mai ek badal avara hu!
Udne ka shauk nhi
Akhir tufaan mera thikana hai
marne ka khauf nhi
Akhir mujh bavandar ko to inhi hawao me dafan ho jana hai...
Surya na sahi mai ek jalta tara hu
Roshan hokar bhi iss andhere ka mara hu!
Mai vo Kali nhi jiska fulo me Khilna Baki hai
Mai vo kamal bhi nhi jiske liye keechad hi milna kafi hai
Mai vo mala hu pushpo ki
jiske choro ko silna abhi baki hai...
Itra na sahi Mai fulo me chipa zeher hu
kisi ke liye dava to kisi ke liye mai keher hu !
Maaf karna mai tere hukam ki gulaam nhi
mai nyay ki adalat ka farmaan bhi nhi
Aag na sahi
Mai bujhe angaro me chipi ek chingari hu ...
Jalane ka khauf nhi
Bujhne ka shauk nhi
Mai apne hi sapno me simti ek goonj banjari hu...
Thodi chanchal, thodi masoom
Akhir mai bhi ek naari hu... !

THNX 4 READING WITH THIS MUCH PATIENCE 😅