Maine tumhe dekha hai
Shayad subha mere kamre ke khidaki par...
Suraj ki roshani sang mujhe tang karke jagate huye
Yakin mano...Maine tumhe dekha hai. II1II

Maine tumhe dekha hai
Shayad mandir, church, masjid aur gurudware mein...
Waha ki pavitrata mein vaas karte huye
Yakin mano...Maine tumhe dekha hai. II2II

Maine tumhe dekha hai
Shayad baarish ke mosam mein...
Halki halki bunde bankar meri rooh ko chute huye
Yakin mano...Maine tumhe dekha hai. II3II

Maine tumhe dekha hai
Shayad mere aaspas behane wali hawa ke zhokon mein...
Mujhe shital sa ehsaas dekhar gale lagte huye
Yakin mano...Maine tumhe dekha hai. II4II

Maine tumhe dekha hai
Shayad mere ghar ke...