میری سکھائی ہوئی محبت کی ہلاکت کر کے
میرے دستِ رس سے باہر گئے تمہیں زمانے گزرے

شاید ایک دن تم شہرت کی کربناک شدت سے تنگ آ کر رجوع تو کرو گے مگر وقت تمہارا محتاج نہ ہوگا

شاید تمہارا رخسار تھکن کی سلوٹوں سے گھرا ہوگا شاید تمہارا مردہ ضمیر چند آخری سانسیں لے رہا ہوگا

شاید ان سانسوں کے درمیانی وقفے میں تمہیں میری پاکیزہ محبت سے کی گئی گستاخیوں پر پچھتاوا بھی ہو

شاید تمہارے ضمیر کی چند سانسوں کو میری باوفا ثابت قدم، فریفتہ یک طرفہ محبت نے زندہ رکھا ہو

شاید تمہیں گزاری گئی ہر وہ لبریز یادیں ستانے لگیں گی جن کو تم بیزار ہو کر کوسا کرتے تھے

شاید تم لوٹنا چاہو گے شہرت کے میدان کو سرے عام چھوڑ کر شاید تمہارا ادھ مرا ضمیر تمہیں اجازت نہ دے

شاید تم ایک پل کو سوچو گے کیا تم پوچھے گئے ہر سوال کا جواب دے پاؤ گے؟
کیا تمہارے الفاظ میں اتنا زور ہوگا جو تمہارے گناہوں کی تاریخ کو معاف کر سکے؟

شاید تم اپنے ضمیر سے یہ بھی نہ پوچھ پاؤ کہ میری ہر خاموشی میں ایک جہاں بسا رہا تھا، جسے تم پل بھر کی شہرت کے لیے میلوں دور چھوڑ آئے

شاید تم اتنا حوصلہ کر لو کہ اپنے دل سے یہ...