...

10 views

ಪ್ರತೀಕಾರ
ಕಂಡು ಕಂಡು.....
ಈ ಅನ್ಯಾಯವನ್ನು-
ಕಂಡು ಕಂಡು.....
ಈ ಅವಮಾನವನ್ನು-
ಕಣ್ಣು ಕೆಂಡದಂತಾಗಿದೆ
ಉಸಿರು ಬಿರುಗಾಳಿಯಂತಾಗಿದೆ
ಮುಖವು ಜ್ವಾಲಾಮುಖಿಯಾಗಿದೆ
ಹಸ್ತವೇ ಅಸ್ತ್ರವಾಗಿದೆ 
ರಕ್ತ ಲಾವಾರಸವಾಗಿದೆ
ಕೆಚ್ಚೆದೆ ಸಿಡಿದೆದ್ದಿದೆ
ಕರುಣೆಯು ಕೊನೆಯಾಗಿದೆ
ದ್ವೇಷವು ಹೆಚ್ಚಾಗಿದೆ
ಸಿಗಿವ ರೋಷ ಉಕ್ಕಿದೆ
ಏಟಿಗೆ ಏಟು ಸೇಡಿಗೆ ಸೇಡು 
ತೀರುವ ವರೆಗೆ
ಮುಗಿಯದು ಪ್ರತೀಕಾರ....................

ತಾಳ್ಮೆ ನನ್ನ ದುರ್ಬಲವಲ್ಲ 
ಕಾದಾಟ ನನಗಸಾಧ್ಯವಲ್ಲ
ಕೆಚ್ಚೆದೆಯ ಕಿಚ್ಚು ಹೆಚ್ಚಾಗಿ 
ಜ್ವಾಲಾಮುಖಿ ಸಿಡಿದಿದೆ.....................

ಮಲಗಿದ್ದ ಸಿಂಹವು
ಮೇಲೆದ್ದು ನಿಂತಿದೆ
ಪ್ರತಿ ಹೆಜ್ಜೆ ಇಡುವಾಗ
ವೇಗವು ಹೆಚ್ಚಾಗಿದೆ
ವೈರಿಗಳ ಕಂಡೊಡನೆ
ಕಿಡಿಕಾರಿ ಹಾರಿದೆ...............................

ಮಾಡಿದ ಮೋಸಕೆ 
ತಕ್ಕ ತಿರುಗೇಟು
ನೀಡಲೇಬೇಕು ಈಗ
ತಡೆಯುವವರ ತುಳಿದು
ದಾರಿ ಕೆಡಿಸುವವರ ಕೆಡವಿ
ಕಿಡಿ ಕಾರುವವರ
ಎದೆಯ ಸೀಳಿ ನಿಲ್ಲುವ
ರೋಷಾಗ್ನಿಯು ಕೆರಳಿದೆ
ಆವೇಶವು ಹೆಚ್ಚಿದೆ............................

ಸಾಕು ನಿನ್ನ ಅಟ್ಟಹಾಸ
ಅಬ್ಬರಿಸಿ ಬೊಬ್ಬಿರಿದು ಬಂದಿರುವೆ
ಮೈ ಕೊಡವಿ ನಿಂತಿರುವೆ
ಏನೇ ಮಾಡು ಮಸಲತ್ತು
ತಪ್ಪದೀ ಎದುರೇಟು 
ಹೊಡೆಯುವ ಪ್ರತಿ ಏಟಿನಲ್ಲೂ
ಪ್ರತಿಕಾರ ತೀರಲಿ
ಉರಿವ ಜ್ವಾಲಾಮುಖಿಯಾರಲಿ.........
© chethan_kumar