Mere ishq ke sau parikshaye de du mai
Batao na... kya ek adha imtehaan tum bhi doge?
Mujhse to chahe tum mang kr dekho lo jaan bhi...
Kaho na... kya do chaar waade tum bhi karoge?
Mai to tumhare liye sab kuch waar dun... kasam se..
Kya tum bhi ek baar haar maan loge?
Jab jab man me sawaal aye...
Chahe ek hi sawaal sau baar aye,
Tham kar hath mera,
Kya har baar mujhko phir se samjha doge?
Jab duniya se zara sa khafa rahu
Jab tumko mai zara sa kareeb chahu
Kya baho me bharkar mujhe
Duniya se chupa loge?
Chahe tum mujhse mujhsa ishq na karna
Chahe chahton me bhi tum zara sa piche hi rehna
Mai thoda zyada pyaar kr lungi tumse
Chahe tum har baar mujhe na manana...
Par Jab jaane lagu mai,
Kya tum mujhe jaane se rok loge?
Kya koi bahana dhund loge?
Sarakhon par to maine rakh hi liya h tumhe
Kya tum bas apne dil me mujhe rakh loge?
Kya tum mere liye ek adha samjhauta kar loge?
Batao na... chahe jo bhi aye mushkile,
Kya tum mujhe apna bana loge?

© shweta_bandyopadhyay