ಬೆಚ್ಚಗಿರಲೆಂದು ಎದೆಯೊಳಗೆ ಬಚ್ಚಿಟ್ಟಿರುವೆನು ನಿನ್ನ ನೆನಪುಗಳನು
ಹುಚ್ಚು ಮನವನೆಚ್ಚರಿಸಲು ಹಚ್ಚೆ ಹಾಕಿರುವೆನು ನಿನ್ನ ನೆನಪುಗಳನು

ಅಬುದಿಯೊಳಗಿನ ಅಲೆಗಳಬ್ಬರದಂತೆ ಭಾವನೆಗಳ ಭೋರ್ಗರೆತ
ಛಲವನು ಅಚಲವಾಗಿರಿಸಲು ಉಳಿಸಿರುವೆನು ನಿನ್ನ ನೆನಪುಗಳನು

ಸುಳಿಯದಾಗಿದೆ ನಿದಿರೆ ಸನಿಹವಿರೆ ಸಹಿಸದಸದಳ ನೋವ ಛಾಯೆ
ಹಠವಿಡಿದು ಬಾಳಲು ಹಸಿಯಾಗಿರಿಸಿರುವೆನು ನಿನ್ನ ನೆನಪುಗಳನು

ಉಸಿರು ನಿಲ್ಲುವುದಕೆ ಮೊದಲು ಉಳಿಸಿ ಹೋಗಬೇಕಿದೆ ಹೆಸರನು
ಸೋತಲ್ಲೇ ಜಯಿಸುವ ತನಕ ಅಳಿಸದಿರುವೆನು ನಿನ್ನ ನೆನಪುಗಳನು

ದ್ವೇಷದ ಉರಿಯಲಿ ತನ್ನನು ದಹಿಸಿ ವಿನಾಶವಾಗುವುದಲ್ಲ ವಿಜಯ
ಅಭಿಭವವನು ಮರೆಯಲು ಅವಗಣಿಸಿರುವೆನು ನಿನ್ನ ನೆನಪುಗಳನು

© ವಿಜಯ್ 💫

#ವಿಜಯ್_ಗಝಲ್
#ಗಝಲ್
#ಕನ್ನಡ_ಗಝಲ್
#kvprakashquotes