Ek ladki jo mere liye kabhi anjaan hua karti thi
Aaj vo mere liye bahut khas ban gayi hai
Kuch to khas baat hai uske sath rehne mein
Ki meri nigahein uski jhalak ki pyasi ban gayi hain

Vaise to mujhe koi shikayat nahi hai usse
Lekin uski muskan itni khas hai ki
Agar koi shikayat agar man mein ho to bhi
To mein use bhool jaya karta hoon

Uski mulakat ka na Jane kya asar hua hai mujh pr
Mujhe pata hi nahi chala is baat ka
Ki vo kab un logo mein shamil ho gayi
Jinki khushi ke liye mein kuch bhi kar jaya karta hoon

Kuch to khas baat hai uski aankhon mein
Jinme na Jane mein kya doondha karta hoon
Jane vo konsi takat hai uski baton mein
Jinhe mein bina kuch bole suna karta hoon

Kuch to khas baat hai uski shakshiyat mein
Jiski ek pukar par mein uski taraf khincha chala jata hoon
Kuch to khas baat hai usme jo mere jaise befikar insan
Ko bhi uski fikar karne par majbur kiya karti hai

Ek ladki jo mere liye kabhi anjaan hua karti thi
Aaj vo mere liye bahut khas ban gayi hai
Kuch to khas baat hai uski mulakat mein
Jo mere jaise sakhtmizaz insan ko bhi masoom bana diya karti hai



© All Rights Reserved