ചെറു പൂമൊട്ടതു വിരിയുന്നതു മുതലാ
ജീവിതമൊരു മാതൃകയാ
ചെറു ജീവിതമാ തന്നുടെയെന്നറിഞ്ഞിട്ടും
വിരിയുന്നതു ചുറ്റിനും സന്തോഷമതു പകരാനാ

മാരിവില്ലഴകാൽ കണ്ണിൻ
കുളിരായവ മാറീടും
മധുതേൻ കണമാൽ ചെറു
ജീവുകൾ തൻ വിശപ്പുമവ മാറ്റീടും
നീറുന്ന മനസ്സുകൾക്കാഹ്ലാ
ദവുമവ നൽകീടും

തൻ ചെറു ജീവിത വഴിയിൽ
ദു:ഖങ്ങൾക്കൊരു സ്ഥാനവുമില്ലെന്നുറക്കെ
പറഞ്ഞുകൊണ്ടങ്ങനെ നില്‍ക്കും പൂക്കളവ
കുഞ്ഞിളം കാറ്റിനൊപ്പം
തലയാട്ടി താളം പിടിച്ചു
നില്‍ക്കുമോരോ ഹൃത്തുകൾക്കുള്ളിലും

മാറിടും കാലത്തിനൊപ്പം
വാടിടുന്നവ കൊഴിഞ്ഞിടുന്നു
എന്നാലും ഹൃദയങ്ങൾക്കുള്ളിലവ
മധുരിതമാം ഓര്‍മയായി
ശേഷിച്ചിടുന്നു.


© dreamy girl