3 views
किछ खोया किछ पाया
मंजे पर बैहन्दे थिए
नेड़ नेड़ रेह्न्दे थिए
सोफा सेट आई गे
दूरियाँ बधाई गे
बड्डे हलके मुलेरे बुबेरे
गप्पा चूल्हे रे चफरे
नोयें किचन आए
अपणे हुए पराये
कंचे, हुड्डू, चोर -सिपाही
खेलदे थिए भैण भाई
मुक्की कागजा री खेल्ला
बस मोबाइल पर रेल्ला
दुआर खुल्ले रेह्न्दे थिए
ईंदे जांदे बैहन्दे थिए
चार दिवारी बझी गेई
चोरचकारी बधी गेई
घर कच्चे हुन्दे थिए
मणु सच्चे हुन्दे थिए
सुक्की रुक्खी खांदे थिए
दुख सुख सांझे थिए
लगे खाणा पिज़्ज़ा डोसा
मुकी गेया से भरोस्सा
तकनीकी युग आया
किछ खोया किछ पाया
Related Stories
1 Likes
0
Comments
1 Likes
0
Comments