Kisi shaayar se poocho ek tarfa pyaar kitna khubsurat hota hai
Dil machalne lagta hai jab unka deedaar hota hai
Saasien tham jaati hai jab ishq ka izhaar kiya jaata hai
Zindagi sawar jaati hai jab ye ek tarfa pyaar safal ho jaata hai
Khushi nahi samaati hai jab unki tareef karne ka hakk milta hai
Is dil ko samaj to kabhi nahi aata ki pyaar kab ho jaata hai, lekin ha, is dil ko apne mehboob ka haath zindagi bhar thaam ke chalna aata hai
Kitni mulaakatien hoti hai, kitni baatien hoti hai
Itne khubsurat ho tum ki hamaare saath bitaaye hue har pal ko meri kalam ek prem kahaani ki tarah darshaana chaahti hai, har pal ka apna ek kissa hoga,har kisse mei aapki tareef hogi,har tareef mei meri mohobbat hogi
Is shayar ki kalam ko aapki khubsurati kaid karne ka mann hota hai
Mann hota hai ki puri duniya ko dikha paaye ye kalam ki aap khud ek shayari hai, meri shayari hai aap
Chaahe dard ho ya ishq, ab ye kalam bas aapke hi baare mei likh paayegi
kyuki aapne is shayar ki ab har shayari pe, apna naam likh diya hai
shukar hai,
aapne hame apna bana liya hai 💚

© thesilent.nights_