میرا اصرار نہیں تُم سے
فقط یہ التجا ہے کہ
میری اک التجا کا مان رکھ لو
کسی دن لوٹ کر آؤ
مجھے پھر ٹوٹ کر چاہو
بھلے پھر توڑ جانا تُم
میری آنکھوں میں دیکھو اور
مجھے پھر خواب دکھلاؤ
بھلے واپس چلے جانا
کسی دن لوٹ کر آؤ
میرے خوابوں کے مرنے میں
ذرا سا وقت باقی ہے
خوابوں کے مرجھانے ، مر جانے سے
پہلے لوٹ کر آؤ
میرے خوابوں کو اپنی آنکھوں کی
روشنی عطا کر دو
میرے مرے ، مرجھاۓ خوابوں کو ہرا کر دو
میرا اصرار نہیں سُن لو
میری اک التجا کا مان رکھ لو
کسی دن لوٹ کر آؤ

وجدان نفیس
© Wajdan Nafees