Jag rahe ho ?
Toh chalo ye suno

Abhi bahout saare khayal mann me chal rahe honge
Aisa bhi lag raha hoga ki kuch bhi sahi nahi ho raha hai
Din ko bura banane ke liye har cheez maujood hai
Or khoshish karne se bhi kuch accha ho hi nahi raha hai.

Ye Dil or dimaag ki Jung bhi raat bhar jagaye rakhti hai na?
Tum jissey door bhagna chahte ho Woh takleef hi gale lagaye rakhti hai na

Kisi doosre ko pane ke chakkar meh tum khudko hi khote ja rahe ho
Aur usse iss baat se fark kyu nahi padta
Ye bhi khudhi sochte ja rahe ho

Auro ka khayal karte karte
Apna hi sukoon chod diya na?
Dusro se umeed rakhte rakhte
Khudhi ye tod liya na.?


Dimag ko jaga ke kyu rakha hai
Jab aankhein sona chahti hai
Sirf takiye ko sir pe rakhne se
Nind nahi aati hai

Ab unn bato ko sochna band karoge?
Khudko khosna band karoge .
Sabka khayal toh rakhte hi ho na
Apna khayal kab rakhoge.?

Jab mann meh bahout saare sawaal umadh rahe ho na
Or unn sawalo se tum dhyaan hatana chahte ho
Toh apne mann ko kahi or lagane ki khoshish karo
Woh karo ,Jo tumhe accha mehsus karata ho

Kuch bhi, koi puraani kitaab padh lo
Kisi yaar se apni do baat karlo
Balcony me khade hoke ek cup chai ho Jaye,
Ya koi game khel ke khud ko azAad karlo.

Kuch Purani galtiyo ke wajah se abhi tak suffer karna theek nahi hai
Uske wapas aane ki ummed abhi tak laga rakhi hai ?
Jab dur dur tak koi ummeed nahi hai.

Ab raat bhi bahout gehri ho gayi hai
Khudse baat karna band karoge ?
Phone ko bhi band kar hi do fhir
Zara side meh usko rakh do gey.?

Bahout jag liya ab so jaate hai
Wada karo subhah muskurahat se uthoge.
Sabka khayal toh rakhte hi ho na
Apna khayal kab rakhoge.?

Jag rahe ho ?
So jao ab.

#writcopoems
#writers
#explorepages
© Feel_the_words