ರಂಗಮಂಟಪದೊಳು ರಂಗನಾಯಕಿಯಾಗಿ
ಮನದಮಂಟಪದೊಳು ಮೌನರಾಗವ ಹಾಡುತಿಹ ತರುಣಿ

ನಗುಮೊಗವ ಹೊತ್ತು ನಾಟ್ಯರಾಣಿಯಾಗಿ
ತೆರೆಮರೆಯ ಹಿಂದೆ ಕಣ್ಣೀರಧಾರೆಯ ಸುರಿಸುವ ತರುಣಿ

ಸ್ನಿಗ್ಧ ಚೆಲುವಿನ ಮುದ್ದು ಮೊಗದ ಹೂವಾಗಿ
ದುರುಳ ಜನರ ಕೈಗೊಂಬೆಯಾಗಿ ನಲುಗಿಹ ತರುಣಿ

ದೈವಕನ್ಯೆ ಎಂಬ ನಾಮಧಾರಿಣಿಯಾಗಿ
ರಂಗಭೋಗದ ವಸ್ತುವಾಗಿ ಕೊರಗುತಿಹ ತರುಣಿ

ಸಕಲಾಲಂಕಾರ ಆಭರಣಧಾರಿಯಾಗಿ
ಕಮರಿದ ಕನಸುಗಳ ಬೆನ್ನಟ್ಟುವ ದೇವದಾಸಿ ಈ ತರುಣಿ

ಶ್ರೀಪ್ರಭಾ. ಎನ್
© Shreepabha