Ab Sur nahi lagte, ham fhir bhii gaate hain,
Koi ab Tarefein nahi karta, Nazmein ham ab bhii sunate hain,
Lakh rokte hain khud ko bhagne se, ummeed dikhte hi ham fhir daud jaate hain,
Gaon ka pedh ab nahi jhukta aage hamare, ham aam usme se ab bhii tod laate hain.
Yun toh jyada koi pass nahi, par jo pass hai usko khaas ham ab bhii batate hain.

Zindagi se wada kiya thaa chalne ka, usne rukne ko bola ruk gaye
Wo bola teher ja thoda ham theher gaye.
Thehre hi hue the jaane kab hamari aankh lag gayi, aankhein jab khuli zindagi badi aage nikal gayi.
Har jagah bhatakte zindagi ka pata ham maangte hain, raaton ko na sokar usko hi dhoondhte bhagte hain.
Ham bhagte rahe jeevan se apne hisse ki dhoop leke,
Bhagte hue hamne apnon ki hi paraye roop dekhe,
Ham fhir bhage sabse ladke bhage laga aage raste thode sundar milenge,
Kahan pata thaa aage phool ki jagah bas kaantein milenge.

Iss daud me hamko Mile hamare jaise log,
Zindagi ki talaash me har jagah bhagte log,
Jinhe paraya samjha kahan pata thaa kabhi wo apno se jyada apne lagenge,
Par ye log kehte abhi bhagna hai...