உன் புன்னகை வெளிச்சத்தில்
புத்துயிர் பெறுகிறேன்
உன் கண்ணிமை அசைவினில்
கல்லாக சமைகிறேன்

நீ வரும் திசை பார்த்து நேரத்தை கொல்கிறேன்
உன் வார்த்தை இசைகேட்டு
உற்சாகம் கொள்கிறேன்

உன் வாசம் எனைத்தீண்ட உயிரோடு கரைகிறேன்
உன் பின்னால் மனம் போக
உறைந்து போய் நிற்கிறேன்

உன் செய்தி வரும் என்று
இரவெல்லாம் விழிக்கிறேன்
ஒரு பார்வை நீ பார்க்க
மனதிற்குள் தவிக்கிறேன்

உன்னோடு பேசிவிட
ஒத்திகைகள் பார்க்கிறேன்
உனைப் பார்த்த ஒரு கணத்தில்
உள்ளுக்குள் வேர்க்கிறேன்

என்னோடு நீ வாழ ஏக்கத்தில் தவிக்கிறேன்
உள்ளுக்குள் உனைவைத்து
உறக்கத்தை தொலைக்கிறேன்...

© All rights reserved