💐ನನ್ನ ಶಾಲೆ 💐
ನನ್ನ ಶಾಲೆ ಇದು ನನ್ನದು
ಬಲುಪ್ರೀಯವಾದದ್ದು
ಆಡುತ್ತ ಅಪಾರ ಕಲಿತೇವು
ಸ್ನೇಹದ ಕಡಲಲ್ಲಿ ಮಿಂದೆವು

ಜಾತಿಭೇದ ಮರೆತೇವು
ಶಾಲಾಮಂದಿರದಿ ನಲಿದೇವು
ಸಮಾನತೆಯ ಪಾಠ ಕಲಿತೇವು
ಎಲ್ಲರೊಳಗೊಂದಾಗಿ ಬೆರೆತೇವು

ಬಾಲ್ಯದ ಬಂಗಾರ ಕಳೆದಂಗಳ
ಜೀವನವಾಯಿತು ಶುಭಮಂಗಳ
ಅಕ್ಷರ ಜ್ಞಾನದ ಕಟ್ಟಿತ್ತು ಬುತ್ತಿ
ಉದರ ತುಂಬಿಸಿತು ಜೀವನ ಪೂರ್ತಿ

ಎಡವಿದಲ್ಲೆಲ್ಲ ದಾರಿ ತೋರಿಸಿ
ಮಮತೆಯಿಂದಲೇ ಎಲ್ಲವು ಕಲಿಸಿ
ಪರೋಪಕಾರದಿ ಕಾಯ ಸವೆಸಿ
ದುರ್ಗುಣಗಳಿಂದ ದೂರವಿರಿಸಿ

ದೇಶಪ್ರೇಮದ ಗುಣಗಾನ
ಒಗ್ಗಟ್ಟಿನಿಂದ ಗೆಲುವಿನ ಪಯಣ
ಸಾಹಸ ಧೈರ್ಯದಿ ಪಥಚಲನ
ನವ ಕಲಿಕೆಯ ನಿತ್ಯನೂತನ
✍️ ಶ್ರೀಮತಿ ಮಾಧುರಿ ಎಸ್ ಕೆ