MI YON LESTA VILEJ
Ɛnitem we a yeri de nem Lesta vilej
A kin gladi bad bad wan.
A kin stil ebul fɔ mɛmba dɛn tɛm dɛn we wi bin smɔl smɔl,
Wi bin rili gɛt prɔblɛm,
Wi mama dɛn kin ala tey dɛn taya,
Ɔl de dɛn krio mami dɛn kin ala pa wi,
Fɔ mek wi lɛf tranga yes,
Wi nɔ kin ivin mɛmba dɛn yon sɛf

O Lesta vilej,
We ren sizin kin don kam,
Na so dɛn wi mama dɛn kin gladi,
Di ren kin mek dɛn plant kin gro kwik,
Dɛn nɔ kin ivin wɔri fɔ go wata di plant,
Na so wi papa dɛn kin waka ɔnda di ren fɔ go wok,
Dɛn krio mami dɛn kin tinap na dɛn winda dɛn fɔ pip,
Dɛn lili pikin dɛn kin kɔmɔt fɔ ple ɔnda de ren,
na so den kin jɔmp jɔmp so.

Mi yon lesta,
We Sɔnde mɔni kin kam,
Na so dɛn krio pa den kin dɔn wer dɛn krio klos fɔ go na chɔch,
Ɛn na so dɛn mami dɛn kin rɔn biɛn dɛn pikin den fɔ ɔri go chɔch,
Wi kin tinap na trit da luk dɛn krio pa  dɛn sus , 
ln kin lɔng lɛk pentagɔn,
Na so wi kin da laf lawd lawd wan.

O mi yon swit Lesta vilej,
Na so  de ples kin kwayɛt insay di wik
Ɔlman kin bizi dentɛm da,
Na so dɛn kɔntri mami dɛn kin sabi ala pa dɛn pikin den fɔ go skul,
Ɛn na so dɛn kin sabi rɔn go na mosket fo go pre,
Na so mi lesta bin swit,
Ɛn na so frut den bin  da buku buku wan fɔ it

© Bongay