எல்லா
நேரங்களிலும்
மௌனங்கள் பேசுவதில்லை

எப்பொழுதும்
அன்பின்
பிதற்றல்கள் வெளிபடுவதில்லை

வலிகள்
அழுவதில்லை அவைகள்
பெருங் கூச்சலிட்டு சிரிக்கிறது

பயணங்கள்
ஒருபொழுதும்
ஓய்வதில்லை ஓய்வளிக்கிறார்கள்

கனவுகள்
தோன்றுவதில்லை கற்பனை செய்துகொள்கிறார்கள்

மனம்
ஒருபோதும்
வருந்தவில்லை
ஆசைகளை நிரப்பி உருவாக்குகிறார்கள்

தேடலுக்கு
முற்றுப்புள்ளிகள் ஏதுமிருப்பதில்லை
ஒருகட்டத்தில்
தவறாக தொலைந்து போகிறார்கள்

முயற்சிகள்
புதுப்பிக்கபடுகிறது
ஆனால் காகித தாளே அதை அனுமானிக்கிறது

சிந்தனைகள்
முடிவிலி போலானது
சில மேதாவிகளால் மழுங்கடிக்க படுகிறது

விழிகள்/செவிகள்
உறங்கிக் கொண்டே தான் இருக்கிறது
எதிர்பார்ப்புகள் நீளாத வரை

நா
அதிகம் பேச விரும்புவதில்லை
வார்த்தைகளே
இனிப்புச் சுவையூட்டி தூண்டிவிடுகிறது

விரல்களுக்கு
ஒய்வென்பதே தரப்படுவதில்லை
மேலுள்ள அனைத்தும் தூண்டப்படுவதால் எழுதிக்கொண்டே இருந்துவிட

அன்பின் பிதற்றலாய்
எழுதுகோலின் உணர்வுகளாய்
வானிற்கு இன்றைய பௌர்ணமி ஒளியாய்
மௌனனின் மௌன கிறுக்கல்கள்..!!

💕


© மௌனன்