🌹സാഗരസംഗീതം 🌹

arrow_back

Poem

5 views

BENZY NAKSHATHRA

12 days ago

+ Follow

ഇന്നലെ ഞാൻ കണ്ട സ്വപ്നത്തിൻ മുറ്റത്ത്
ഒരു പൂ മാത്രം വിരിഞ്ഞു നിന്നു .
ആ പൂവിന്റെ പൂമുഖ വാടിയിൽ ഞാനിന്ന് ഒരു ചിത്രപതംഗമായ് മാറി..
ഒരു ചിത്രപതംഗമായ് മാറി

പൂന്തേൻ മധുരമാം ലഹരിയിലങ്ങിനെ
പൂവിന്റെ മാറോട് ചേർന്നിരുന്നു..
ഞാനാ പൂവിന്റെ മാറോട് ചേർന്നിരുന്നു.

പുലരികൾ നീന്തി തുടിക്കുമീ പൂമരച്ചോട്ടിലും
പുലരുവാനാകാതെ ഞാനിരുന്നു..
പലവട്ടം പുലരുവാനാകാതെ ഞാനിരുന്നു.

പച്ചയുടുപ്പിട്ട മോഹത്തിൽ കുഞ്ഞുങ്ങൾ
മതിവരാതെ തേൻ നുകർന്നിരുന്നു.
അപ്പോഴും മധുരമാം ലഹരിയിൽ മുഴുകി നിന്നു.

ഇന്നും ഞാനെന്റെ കിനാവിൻ തീരത്ത്
ഏതേതോ കവിതയിൽ ലയിച്ചിരുന്നു
എന്റെ പ്രിയമാർന്നൊരീണം കേട്ടിരുന്നു.

ഒരു കുഞ്ഞുസ്വപ്നത്തിൻ താമരച്ചിറകിൽ ഞാൻ
പാറിപ്പറന്നിന്നു കൂട്ടുക്കാരാ
എന്റെ പ്രണയത്തിൻ മണമുള്ള പാട്ടുക്കാരാ...
© 🌟ബെൻസി നക്ഷത്ര 🌟

Inspiration