angan me nikla ujaalo me,
saher ( morning ) kuch suni suni lagi..
Aakhon me dhoop chubh rahi thi,
is kadar andhero se rishta ban gaya tha...

kitchen me, Aaj koi shor nahi tha subah.
na baccho ki kilkaariya, na bhajan koi chalta hua,
lagta hai radio ki saasein Kishore ke gaano se,
dam lagkar kahi, Thak kar baithi hai...

Ab khushboo nahi aayi koi, Kisi batti ki jalti,
kai dino se diya koi, maine darwaaze par bhi nahi dekha..
lagta hai, tanhaai is kadar, meri dehlijo par,
mera intezaar karti khadi hai...

Koi shaqs aata jaata jab muskuraane lagta hai..
jhooti muskaan, labo par bas yu aa jati hai..
aur tum puchti ho sapno me aakar,
ke Tumhare guzarne par, mera hal kaisa hai ?

Bhushan _ Asaf
© Bhushan _ Asaf
please feel free to commemt any suggestion or improvements