ब्याह करवाद्यो ( Rajasthani song)

arrow_back

Poem

10 views

Kiran Kumawat

7 months ago

+ Follow

ब्याह करवाद्यो..........!

बिन ब्याहा की जिंदगी भारी ,2 थानै आज सुणाऊं छूँ
ब्याह करवाद्यो कोई म्हारो अतरो काम कराऊं छूँ 2

घर स्यूँ बारे जद निकळु, जीव घणों घवरावै छै
हो जावै कोई उल्टो काम, पेली जिक्र चलावै छै
अर्जी करू छूँ सगळा स्यूँ ,2 सबनै एकही बात बताऊं छूँ
ब्याह करवाद्यो कोई म्हारो अतरो काम कराऊं छूँ 2

भैय्या सागै भाभी जावै, मन म्हारो ललचावै छै
साथिडा भी मनै चिड़ावै, तरस ना कोई खावै छै
साथिड़ो थे ही सुणल्यो , 2 गळी मे ढोल बजाऊ छूँ
ब्याह करवाद्यो कोई म्हारो अतरो काम कराऊं छूँ 2

बाजारा मे जद घुमू ,पीळा हाथ सबका पावै छै
पिली कोई ना कंवारी, सबका ब्याह हो जावै छै
म्हारी ही किस्मत खोटी ,2 जिको दुःख सुणाऊं छूँ
ब्याह करवाद्यो कोई म्हारो अतरो काम कराऊं छूँ 2

उम्र म्हारी निकळी जावै, एक ही बात सतावै छै
गाँव गळी रा सगळा पुछै, कद म्हानै जिमावै छै
बात सुणल्यो कोई म्हारी, 2 नहीं तो मोल मंगाऊ छूँ
ब्याह करवाद्यो कोई म्हारो अतरो काम कराऊं छूँ 2

Art