कातरवेळी सावली अलगद निघून गेली
पुन्हा एकदा एकटे पनाची जाणीव करून गेली
उधाण समुद्र ही आता शांत झाला
जनु त्याच्या आठवणींनाही उजाळा आला
पुन्हा पुन्हा तेच भास होत असतात
गतकाळच्या आठवणी सारख्या छळत असतात
ठरवलंय आता सगळं काही पुसून टाकायचं
पुन्हा एकदा स्वप्नांच्या आकाशात उडून जायचं
जे जे शक्य आहे ते सर्व काही मिळवायचं
आयुष्याला एका नवीन झालरीने विनायच
जगताना सुख दुःख येतच असतात
त्यांना न घाबरता लढणं यालाच तर जीवन म्हणतात.......