എന്നിൽ പൊൻ വസന്തം തീർത്തുക്കൊണ്ടിരിക്കുന്ന എന്റെ ഹൃദയത്തിനുള്ളിലെ പൊൻ സൂര്യനെ..
നിന്റെ പ്രകാശത്തിന്റെ പൊൻകിരണങ്ങൾ എന്നെ എത്ര മാത്രം പ്രകാശിപ്പിക്കുന്നെന്നോ.. എത്ര മാത്രം ആനന്ദിപ്പിക്കുന്നെന്നോ പറയാൻ കഴിയാത്ത വിധം അത്രമേൽ അത്രമേൽ ആണ് നീ എന്നെ ആനന്ദലഹരിയിലാറാടിച്ചു ക്കൊണ്ടിരിക്കുന്നത്.

നിന്റെ ആ നിറഞ്ഞ സ്നേഹത്തിന്റെ അരുമയാർന്ന ചൂടിൽ കുളിരാർന്ന് ഞാൻ എത്രമാത്രം ഉരുകിയൊലിച്ചിട്ടുണ്ടെന്നോ..
നിന്റെ ആഗമനം പ്രതീക്ഷിച്ച് നിന്റെ മിഴികൾക്കഭിമുഖമായി നിന്നെയൊന്ന് ദർശിക്കുവാൻ വേണ്ടി മാത്രം എന്റെയീ ജീവിതം.. ഇനിയും ആഗതനാകില്ലേ പ്രിയനേ..
പതറിവീഴാനല്ല നിന്നിൽ എന്നും പതിഞ്ഞു നിൽക്കുവാനാണെന്നും ഞാൻ ആഗ്രഹിക്കുന്നത്.

എന്റെ പ്രിയനേ.. നിന്റെ പൊൻകിരണങ്ങളാൽ നീയെന്റെ മൂർദ്ദാവിൽ ചുംബിച്ച് എന്നെ നിന്റെ കരവലയത്താൽ പൊതിഞ്ഞ് പിടിച്ചാലും.. ഞാൻ ഒരിക്കലും നിന്നിൽ നിന്ന് ഊർന്നു പോകുവാൻ ഇടവരാതിരിക്കത്തക്കവിധം..
നിന്റെ ഉയർച്ചകളാണല്ലോ എന്നുമെന്റെ ഉണർച്ചകൾ
നിന്റെ തളർച്ചകളാണല്ലോ
എന്നുമെന്റെ താഴ്ച്ചകൾ...

പ്രിയപ്പെട്ടവന്......... 🌟നക്ഷത്ര 🌟
@benzynakshathra

© 🌟ബെൻസി നക്ഷത്ര 🌟