ಸುಂದರ ಪಯಣ
ಬದುಕೊಂದು ಸುಂದರ ಪಯಣ
ನಡೆಯುತ್ತಿರುವ ನೀ ಪ್ರತಿಕ್ಷಣ
ನಿಲ್ಲದೆ ಚಲಿಸು ಅನುದಿನ
ನಿರುತ್ಸಾಹ ಆಗದಿರಲಿ ತನುಮನ

ಭಯಬೇಡ ಬರುವ ಅಡೆತಡೆಗೆ
ಬರುವವು ನಿರಂತರ ನಿನ್ನೆಡೆಗೆ
ಬಾಗಿದೆ ಬಗ್ಗದಿರಲಿ ನಿನ್ನ ನಡಿಗೆ
ಬಂದು ಸೇರು ನೀ ಗುರಿಯೆಡೆಗೆ

ತಿರುವುಗಳು ಬಂದಾಗ ಎದುರಿಗೆ
ಧೈರ್ಯದಿ ಕೂಡಿರಲಿ ಎದೆಗುಂಡಿಗೆ
ಸದೃಢ ಸಂಕಲ್ಪದ ಭರವಸೆಯೊಂದಿಗೆ
ಹಾಕು ಹೆಜ್ಜೆ ಸತ್ಯ ಧರ್ಮದೊಂದಿಗೆ

ಜಯ ತರುವುದು ಅದು ನಿನ್ನ ಬಾಳಿಗೆ
ಫಲ ಸಿಗುವುದು ನಿನ್ನ ಚಲನೆಗೆ
ಸಾರ್ಥಕವಾಯ್ತು ಬಂದದ್ದು ಭುವಿಗೆ
ಪಾತ್ರವಾಗು ಆ ಹರಿಯ ಕೃಪೆಗೆ

✍️ ಶ್ರೀಮತಿ ಮಾಧುರಿ ಎಸ್ ಕೆ
© Madhuri s k