શું હું રાહ જોઉં?
કદાચ આનો જવાબ છે મારી પાસે
કદાચ તારો જવાબ છે તારી પાસે
નથી જાણતા કે કેમ અળગા થયા
કદાચ એનો જવાબ છે આપણી પાસે
શું હું તને યાદ કરું?
હજી તો સમય છે ને બધું સરખું કરવા માટે
પણ શું એ હૃદય ના ઘાવ ભૂલી શકાશે?
શું હું તારી માટે તડપું?
હતી ને એ બધી આશાઓ મરી ગઈ
દોષ આપું તો ય કેમનો તને
હતી તો કદાચ મારી જ
શું હું તને પ્રેમ કરું?
માગણી કરી ને મળતો સ્નેહ તો સૌગાત છે
પ્રેમ ની તો વ્યાખ્યા જ અલગ છે ને
ભ્રમ તો નહોતો કદાચ હતો
પણ તારા શબ્દો માં સ્વીકૃતિ પણ ક્યાં છે
શું હું ફરિયાદ કરું?
કરી તો હજાર વખત
પણ બસ ફરિયાદો જ થઈ
પ્રયત્ન માં થોડી તું તો થોડો હું
ઘણાં નબળા પડ્યા ને
શું તું મારી નથી?
કદાચ થઈ જ નથી
તો પ્રશ્ન કેમ?
તો આ હાલાકી કેમ?
તો આ ઉર ની પીડા કેમ?
કેમ ફરી ફરિયાદ કરું છુ?
કેમ ફરી તને યાદ કરું છું?
કેમ પામવાની ઈચ્છા છે?
કેમ તારી રાહ તકું છું?
શું હું તને પ્રેમ કરું છું?
તો કેમ તને પ્રેમ કરું છું?
© Pavan