nahi malum mujhe kya ho jata hai, sab bhul jati hu jab sath hoti hu, sahi galat sab pata hai, par fir bhul jati hu, mujhe mere hadon ka hisab hai, vo bhi bhul jati hu, malum hai ki sab sapne sa hi hai, par fir bhi ankh band kar leti hu, mujhe malum hai ki iska parinam shayad meri soch se bhi bura ho, par fir bhi rokne ki har koshish me nakam hoti hu, kabhi_ kabhi to mai khud ke man se hi har jati hu, rat ko sapne me bhi kabhi kuch acha hote dekhti hu to fir sote hi rahna chahti hu, bachpan se sapne se kuch alag judav hai use pura karna chahti hu har hal me, koi jaga de to fir thodi der kahkar so jati thi sapna pura krne ki koshish me, par fir vo sapna nahi ata, to fir ankh band karke apne hi man se us sapne ko pura karti thi aur fir uthti thi, magar ab vakt nhi yaise so pane ka, koi n bhi jagaye to bhi uthna hi padta hai, aankh band karke dekhe sapne ko bhul kar khuli ankhon se dekhe sapne ko pure karne ke liye,

life hi yaisi ho gyi hai, aj bhi vahi jid hai har sapne ko pura karne ki fark bas itna hi hai ki ab sare sapne khuli ankhon se dekha hai, jise pura karna hi mera maksad hai, bat ye hai is beech me jo mujhme badlav aya uski bajah se kuch thahrav sa ho raha hai, aur ye acha bhi lag raha, mujhe malum hai shayad ye sahi disha nahi par ab iske sath bhi chali ja rahi ye sochkar ki ab in sab ke sath age badhungi par agar vo rastha kahi kisi yaisi jagah jakar ruke jiski koi manjil hi na ho to, mai to apne un sapno se bhi bahut dur ho jaungi, kaise fir khud ko sambhal paungi, agar us raste ne age badhkar ek naya mod le liya to kya hoga, to fir kya mujhe hi thahar jana chahiye, kyoki is vakt mere sapne ka pura hona bhi bahut jaruri hai, jise pura krne me vo jatan n laga pa rhi ab, fir jis raste ke bharose ja rahi nahi pata ki vo kitna sateek aur suljha hua hai, apne musafir ke liye, fir darna to lajmi hai,

mere is sapne se mere apno ki ummid bhi Judi hai, Aisa rasta jisme chalne ke liye man majbur kar raha uspe chalne ko mashtisk tak sath n de raha, use sansay ho raha ki sahi nahi par ab rukne pe vo bhi kam nahi karta to kya karu, par Jana to hai hi, to us raste se puchh rahi ki Teri manjil kya hai, chal sakega mere sath har pal ye bharose ki mag hai, ki sun raste ye bata chalu sath tere kya ye Tera bhi khwab hai, kuchh pal ke liye ya manjil tak ka sath hai, teri kshamta aur samta se jo mujhe aas hai, rakhu barkarar, ya ye kuch pal ka karar hai, mere man me uthta ye kuch saval hai, man to bas me na hai, n mashtisk sath chalne ko taiyar hai,

yaisa lagta hai har bar ki rasta kachcha hai vo bhi n taiyar hai, use bhi uske manjil ki khabar na hai, fir kyo sath chalne ki jid me bahen khole taiyar hai, tujhpe chalne vale har musafir ke liye tu hi jimmedar hai, to batade ki kya tu sach me taiyar hai, ajkal milavat ka bhi kafi chalan hai, har jagah rajneeti sa hi hal hai, safed kapdo me chhipa kalikh ka avtar hai, par vo upar se bedagdar hai, us raste se puchhna hai ki kya vo bhi un insaano ke chole me lipta un jaisa hi samjhdar hai,

ya fir vo thoda sa alag is duniya se, pagal hai, ya fir doglo jaisa hi apne bare me, apne hit me sab chahne vala laparvah hai, kahi ye sab ek band ankho ka Khwab to nhi, kyoki khuli ankhon ke sapne to hote hi hai pure karne ke liye, ham khud jimmedar hai un sapno ko pura krne ke liye, to janna hai ki abhimanyu ki tarah bas adha chakravyuh Sikh kar jeevan ke is Jang me kudne ko taiyar hai, ya Arjun ki tarah apne har nishane pe aitbar hai.
ki sun raste ki kuchh tere aitbar pe un kismat vali bato pe, laki hone ki bato ka koi matlab hai, ya tu hi matlabi hai, bachkani harkaton si ha_ hu kahkar sar pitne ko taiyar hai, ya samjhdar hai apne rahgeer ko samjhne ko taiyar hai, kyoki ye janna Mera adhikar hai, meri choton ka tujhe kitna ehsaas hai, aur raste me pade katon ke bare me kya khayal hai, mere dard se tera kitna talluk hai, marham hai ya bajah kya iski pahchan hai, thoda sa jyada to nahi soch liya, kyoki ajkal ye thoda pichhda aur purane khayalo sa hi hai, par nayi soch ne jo rayta faila rakha uska use bhi malal hai, ye bat alag hai ki koi khud se badlav karne ke liye n taiyar hai, use sirf agle se hi ummid hai,

dar is bat ka hai ki, Chita me rakh hone se pahle hi rakh hona hai, kyoki ye jindagi hai, yaha kuch bhi asan nahi hai, aj tak to nahi dekha, to yakeen karna jara mushkil hai, to bata yai raste ki tu kitna imandar hai, ki tujhe khud ke liye is faisle pe kitna aitbar hai,

khud kachcha hai abhi aur kandhon pe bojh uthane ko taiyar hai, man pakka hai to kuch bhar mai bhi utha lungi, irade kamjor hai to fir mai itni bhi majbur n hu. Batado sochkar aram se koi jaldi nahi hai, ya jab irade pakke ho jaye to hi bata dena abhi khamoshi se apne sapno ki or hi chalte hain, par vakt rahte bata dena, nahi to fir koi matlab bhi n hoga batane ka, jindagi to chalti hi hai har hal me aur vakt bhi gujar jate hai, kuch man me malal n rahe is bat ka khayal rakh lena

pata nahi kyo ab vo bat najar nahi ati, jajbat dikhe the jo us din, aj najar nahi ati, sab bat me raji the tab, par ab har pal bas, sab thik hokar bhi thik najar nahi ata, ab ankho pe us din jaisa kuch bhi najar nahi ata, ankh meri dhundhlane lagi hai, ya raste ne rukh modne ka irada kar liya hai, khabar to hai use is bat ki, magar fir khamoshi ka kya raj hai, kam baki hai kuch shayad, ya kuch bat hai jo mujhe malum nahi hai, dar ke saye me to dono hi hai, par ye mera khayal hai, ya ham dono ka iska javab nahi hai.

© All Rights Reserved