He :
Dekho aaj phir mai khali haath aaya hoon ,
par apni jawani ki, kuchh nishaniya, saath me laya hoon !
ye "sukhe gullab", uss kitaab me rakhi thi ,
jisme hamare pahli pyaar ke charche chhapi thi !!
ye hamari haath ki ghadi aur jo tumhari kaan ki baali hai ,
dekho zara , ye hamari pahli mulaqat ki aakhiri nishani hai !

She :
mere jaane ke baad aap toot mat jana ,
mujhse naraj hokar khud se rooth mat jana !
aapki aankho me toh aaj bhi , wo jawani dikhayi deti hai ,
par kya fayda ? aapki dhadkne toh sirf meri diwani hai ..
mere alvida kehne pe yun naraz mat hona ,
Mai toh aapki rooh me basti hoon , bss aap ek aawaz dena !!

He :
iss janam me hamari mulaqat toh puri ho gyi hai ,
par hamare dil ke alfaaz , abhi kuchh adhuri rah gyi hai ,
agli janam me phir milenge ,ussi jagah pe intezaar karna ,
tum bss Sharmilli aankho se , apni ishq ka izhaar karna !

she :
khuda se dua karungi ki aap , hamesha salamat rahe ,
Har janam me meri pyaar , bss aapki amanat rahe!
Agar waqt mile toh ,
haathon me phool lekar hi , mujhse baatein karne aa jana
kuchh na mile toh ,
meri kabra pe hamari pyaar ki Daastan hi suna jana !!
Alvida !!
© Sachin_🖤