Beete dino me kahi kuchh bhool aai hu mai
Jo kabhi jinda thi uss umeed ki parchhai hu mai
Nanhi thi , anjaan thi, duniya ki parwaah naa thi
Bheetar umadte sapno ki koi bhi seema naa thi
Haasil naa kuch hua din raat markar
Thokar kha kar aur phir se sambhal kar
Saupa tha maine khud ko jinpar, un armaano ko kahi panaah thi
Baahar shaant, andar gehrai hu mai
Beete dino me kahi kuchh bhool aai hu mai...
Juti rahi umeed se ki kuchh jaroor kar jaungi mai
Saal beete kya pata tha ki yahi reh jaungi mai
Aaj khud se nazare bhi naa mila pati hu mai
Kyu paate paate hi sab kuchh gawa jaati hu mai
Chalo nahi karti ab mai puraani yaadon ka hisaab
Ab toh mera ateet h ek band kitaab
Jeevan ki reet ko kuchh yu seekh pai hu mai
Beete dino me kahi kuchh bhool aai hu mai......
© Saumya Tripathi