Kya yahi tha tumhara saccha pyar?
Kuch palon tak ka sath
Fir kiya mujhe apni zindagi se bahar
Kya yahi tha tumhara saccha pyar

Agar tumhe yahi karna tha
To mere kareeb kyu aai
Aur Kareeb aai bhi to
Tumhe us purane shaks ki kyu yad aai

Kya kisi jagah pr mera pyar kam tha
Lekin tumne mere pyar se berukhi zarur dikhai
Pehle tumne mere jazbaton ko jagaya
Lekin bad mein tumhi ne mujhe di tanhai
Mere sacche pyar ko nazarandaz karke
Tumne ki mere jazbaton ki rusvai

Hamesha sath nibhane ki batein
To bahut ki tumne
Lekin tumne unhe bhula diya
jab bat nibhane ki aai

Bure se bure halaton mein bhi
Maine tumhara sath diya tha
Lekin tumhari baton se lagne
laga tha ki tumhe ab mera sath chhodna tha

Pyar kisi se zabardasti kiya nhi jata
Aise pehle dil lagakar
Kisi insan ko khud se
door nhi kiya jata

Saccha pyar vo hota hai jisme
Bure se bure halat seh lene ki takat ho
Tumhare pyar ki tarah nhi ki
Zindagi ne zara sa mod liya aur sath chhod do

Maaf kr dena mujhe shayad galti meri hi thi
ki maine kiya tumse pyar
Tumhara pyar aisa hi tha jaise
Chaar din ki chandni phir andheri rat
Agar mere jazbaton ki gehrai aur pyar ko
samjha hota to kabhi na chhodkr jati tum mera sath
Magar shayad tumhe nahi raas
aaya mera ye saccha pyar

Kya tumne kabhi socha hai ki pyar mein
vada karne ke alawa nibhana bhi hota hai
Kya tumne kabhi ye socha hai ki tumhari in
berukhi bhari baton se mujhe kitna Dard hota hai

Mere andar ke jazbaton ko markar rakh diya hai
Tumhare is salooq ne
Mujhe Dard mein dalkar chhod diya hai
Tumhari is nazarandazgi ne

Tumhe abhi in baton se koi
fark nhi padega
Lekin jab isi cheez se khud gujrogi
tab tumhe behisab Dard hoga


Alvida!!!!!.